Vel þroskaðir bananar fá nýtt líf í þessum ljúffengu, trefjaríku bananamúffum.
Forhitið ofninn í 180°C með blæstri.
Afhýðið bananana, setjið í stóra skál og stappið með gaffli. Takið örlítið af banananum frá, skerið í sneiðar og setjið ofan á múffurnar áður en þær fara í ofninn.
Brjótið eggið og bætið því saman við bananastöppuna ásamt mjólk og olíu. Hrærið öllu vel saman með gaffli.
Setjið hveiti, haframjöl, lyftiduft, salt og vanillu í skál og blandið saman. Hellið þurrefnunum síðan hægt og rólega saman við deigið og hrærið rétt nógu lengi til að öll hráefnin blandist.
Finnið til muffinsform og setjið á ofnplötu. Skiptið deiginu jafnt í hvert form. Toppið með bananaskífum.
Bakið múffurnar í 15–20 mínútur. Eftir 15 mínútur má stinga gaffli í miðjuna og ef hann kemur hreinn upp eru múffurnar tilbúnar.
Til að bragðbæta múffurnar enn frekar má bæta söxuðu dökku súkkulaði eða hökkuðum hnetum út í deigið. Einnig má bræða smá dökkt súkkulaði og skreyta múffurnar með því eftir bakstur.
Höfundur
FuldkornspartnerskabetGrunnuppskriftin miðast við 12 muffins eða 12 skammta.
