Ljúffengur og auðveldur eftirréttur. Þið getið notað hvaða ávexti og ber sem þið viljið. Passið bara að nota hitaþolin glös eða skálar.
Þessi uppskrift getur verið góður kostur og hluti af heilsusamlegu mataræði, þrátt fyrir að uppfylla aðeins hluta af opinberum ráðleggingum um mataræði.
Hitið ofninn í 225°C með yfirhita.
Skolið jarðarber, hindber og bláber og látið renna vel af þeim. Skerið niður og setjið í skál.
Skrælið kíví og sneiðið niður og bætið út í skálina með berjunum.
Finnið til falleg glös eða skálar sem þola hita. Setjið berin og ávextina jafnt í skálarnar.
Brjótið egg og aðskilið eggjahvítur frá eggjarauðum. Setjið eggjahvítur í tandurhreina skál og þeytið með handþeytara eða rafmagnsþeytara þar til þær verða að stífu froðuskýi.
Bætið sykri og ediki eða sítrónusafa út í eggjahvíturnar og haldið áfram að þeyta þar til marengsinn verður glansandi og stífur. Marengsinn er tilbúinn þegar þið getið snúið skálinni á hvolf án þess að hann renni úr henni.
Setjið marengsinn ofan á ávextina og berin með skeið.
Setjið glösin eða skálarnar á ofnplötu í miðju ofnsins og hitið þar til marengsinn fær gullna slikju, um 3–4 mínútur. Fylgist vel með því marengsinn brennur fljótt.
Nota má aðra ávexti í skálarnar svo sem mangó, banana, epli eða perur. Prófið að bæta ferskleika í marengsinn með smá vanillu eða sítrónuberki. Gott er að rista hakkaðar möndlur eða möndluflögur og strái yfir réttinn áður en hann er borinn fram.
Ef edik eða sítrónusafi eru ekki til má nota vínsteinslyftiduft (creme of tartar) í staðinn.
Hægt er að notast við brennara til að hita marengsinn að ofan ef slíkt tæki er til á heimilinu.
Höfundur
Hjärt-LungfondenGrunnuppskrift miðast við tvo skammta og þar er miðað við eggjahvítur úr 1.5 stk eggjum sem gerir um 50 g af eggjahvítum.
