Einfalt og bragðgott val - klassísk hversdagsmáltíð sem hentar allri fjölskyldunni.
Stór hluti undirbúningstíma er bið á meðan hakkið tekur sig í kæli (30-60 mínútur).
Setjið ýsuhakk, heilhveiti, salt, pipar, egg og súrmjólk í rúmgóða skál og hrærið saman með höndum eða sleif.
Skolið gulrætur og rífið með rifjárni. Takið utan af lauk og hvítlauk og saxið smátt. Bætið öllu saman við hakkblönduna og hrærið vel þar til hráefnin hafa dreifst jafnt.
Setjið blönduna í kæli í 30 til 60 mínútur.
Skolið og saxið dill og hrærið saman við blönduna.
Mótið bollur með matskeið úr fiskihakksblöndunni. Steikið bollurnar í olíu á pönnu í um 7 til 8 mínútur á hvorri hlið.
Berið fiskibollurnar gjarnan fram með soðnum kartöflum, tómötum, soðnum rófum, gulrótum og brokkolíi. Tilvalið er að útbúa súrmjólkur- eða jógúrtsósu sem braðbæta má t.d. með salti, pipar, dijon sinnepi og graslauk.
Höfundur
Af bestu lyst
