Hvað er betra en silkimjúk sveppasúpa, sérstaklega á jólunum? Berið hana fram með fersku salati eða notið sem forrétt með grófu brauði við hátíðleg tækifæri.
Hreinsið sveppina. Ef þeir eru mjög moldugir, skolið þá örstutt og þerrið vel með eldhúspappír. Takið næst stilka af eða snyrtið þá og saxið sveppina gróft með hníf. Setjið til hliðar.
Skrælið laukinn og hvítlauksrifin og saxið smátt.
Skrælið sellerírótina og skerið hana smátt.
Hitið þurra pönnu við meðalháan hita (án olíu) og setjið sveppina á hana. Hitið þar til vökvinn kemur út og gufar upp. Þetta tekur nokkrar mínútur. Bætið næst olíunni á pönnuna. Steikið sveppina við meðalhita þar til snarkar í þeim eða þeir verða gullnir.
Bætið lauk, hvítlauk og sellerírót út á pönnuna og steikið með sveppunum í nokkrar mínútur, en passið að grænmetið taki ekki mikinn lit. Kryddið með nýmöluðum pipar.
Setjið allt grænmetið af pönnunni yfir í hæfilega stóran pott. Bætið soðinu og timjan í pottinn.
Látið súpuna malla á lágum hita í 20 mínútur, án loks.
Bætið sýrða rjómanum út í þegar súpan hefur fengið að malla.
Maukið súpuna með töfrasprota þar til hún verður silkimjúk og jöfn. Einnig má nota blandara til þess að mauka hana.
Bragðbætið með hunangi, sojasósu og pipar og smakkið til þar til réttu bragði hefur verið náð fram.
Setjið súpuna í skálar og berið fram með góðu, grófu brauði.
Ef þið viljið, dreypið örlitlu af truffluolíu eða ólífuolíu yfir hverja skál. Ef það eru sveppir afgangs er gott að steikja þá og setja ofan á súpuna.
Kreistið smá sítrónusafa út í fyrir ferskara bragð og ef þið viljið meiri hita, bætið örlitlu chillí út í súpuna.
Höfundur
Hjärt-Lungfonden
