Piparkökur í hollari kantinum

Setjið sykur og vatn í lítinn pott og náið upp suðu í stutta stund. Takið pottinn af hellunni þegar allt hefur blandast vel saman í eina blöndu. 

Bætið mjúku smjöri (við stofuhita) og sírópi ásamt kanil, negul, engiferi og pipar út í pottinn. Hrærið vel með sleif þar til blandan verður alveg slétt.

Setjið hveiti og heilhveiti í stóra skál og blandið matarsódanum saman við með skeið eða písk.

Hellið hveitiblöndunni út í pottinn með smörinu og kryddunum. Hrærið þar til deig hefur myndast. Deigið má vera örlítið þunnt en það þykknar í kæli.

Stráið smá hveiti í botn á hreinni skál og setjið deigið ofan í. Kælið í kæliskáp í að minnsta kosti 1 klukkustund eða yfir nótt ef þið hafið tíma.

Forhitið ofninn í 200°C, með blæstri.

Stráið hveiti á hreint borð og takið kalda deigið úr skálinni. Skerið það í 2–3 hluta.

Fletjið út einn hluta í einu með kökukefli, um það bil 3 mm þykkt. Passið að fletja ekki of þunnt svo kökurnar brotni ekki.

Stingið út smákökur með kökuformum og lyftið þeim varlega yfir á bökunarplötu klædda bökunarpappír. Endurtakið með restina af deiginu.

Bakið kökurnar í 8–10 mínútur. Fylgist vel með, þær eiga að vera gullnar og taka smá lit á köntunum.

Þeytið saman gerilsneyddum eggjahvítum og flórsykri í litilli skál eða í hrærivél þar til glassúrinn verður sléttur. Ef þarf má bæta við örfáum dropum af vatni til réttri áferð. 

Setjið glassúrinn í sprautupoka eða notið skeið og tannstöngla til að skreyta piparkökurnar.

Einfaldari aðferð til að gera glassúr er að blanda saman flórsykri og örlitlu vatni í skál þar til massinn verður nokkuð þykkur.