Næturhafragrautur með vanillu

Byrjið á að mala hörfræ í blandara eða matvinnsluvél, haldið eftir litlum hluta af heilum hörfræjum til að setja ofan á grautinn. Leggið möluðu hörfræin til hliðar.

Setjið mulin hörfræ, haframjöl, vatn, vanillu og skyr í stóra skál eða krukku og hrærið vel saman með skeið.

Lokið skálinni eða krukkunni með loki eða matarfilmu og setjið í kæli. Látið grautinn standa yfir nótt eða í um 30 mínútur ef tíminn er naumur.

Áður en grauturinn er borinn fram, stappið banana og blandið honum saman við grautinn.

Skiptið grautnum í skálar eða krukkur eftir því hversu margir skammtar voru gerðir. 

Skolið bláberin og setjið þau ofan á vanillugrautinn ásamt gróft söxuðum möndlum og heilum hörfræjum.