Einfaldar og ljúffengar jólasmákökur.
Þessi uppskrift getur verið góður kostur og hluti af heilsusamlegu mataræði, þrátt fyrir að uppfylla aðeins hluta af opinberum ráðleggingum um mataræði.
Stillið ofninn á 200°C.
Brjótið egg í skál. Hrærið saman eggi, sykri og hnetusmjöri þar til blandan verður alveg slétt og mjúk. Gott er að nota handhrærivél, en einnig má nota gaffal, skeið eða þeytara.
Mótið litlar kúlur úr deiginu með því að taka smá bita, setja hann á milli lófanna og rúlla þar til kúla myndast. Raðið kúlunum á bökunarplötu með bökunarpappír undir.
Ýtið létt ofan á hverja kúlu með gaffli, gott er að bleyta hann lítillega á milli.
Bakið hnetusmjörskökurnar við 200°C í 10-12 mínútur eða þangað til kökurnar eru farnar að taka lit.
Þegar kökurnar koma úr ofninum eru þær linar, en verða stökkari um leið og þær kólna, svo hér er gott að nýta þolinmæðina.
Hnetusmjörssmákökurnar geymast í 3-5 daga í loftþéttu íláti við stofuhita, í 5-7 daga í loftþéttu íláti í kæli og allt að 3 mánuði í frysti. Það er mjög gott að geyma þær í frysti en þær þiðna á 5-10 mínútum.
Höfundur
Sigrún Þorsteinsdóttir
