Prófið þessar einföldu og stökku vöfflur með höfrum – góðar í dögurð eða sem létt snarl fyrir alla aldurshópa.
Setjið haframjöl, mjólk, egg, vanillu, salt og lyftiduft í blandara eða matvinnsluvél og blandið þar til deigið er búið að mynda einsleitan massa eða í um 30 sekúndur. Deigið á að líkjast þykku pönnukökudeigi.
Finnið til olíuna og smyrjið vöfflujárnið lítillega. Bakið vöfflurnar þar til þær eru gullinbrúnar. Smyrjið á ný ef þörf krefur.
Berið vöfflurnar fram strax á meðan þær eru enn heitar og stökkar.
Bætið 1 tsk af kanil og/eða kardimommum í deigið til að fá vetrarlega eða jólalega útgáfu af uppskriftinni. Fyrir sætari útgáfu má bera vöfflurnar fram með kókosrjóma og berjum, en fyrir saltari útgáfu eru avókadó, tamari-möndlur og klettasalat frábærir kostir.
Ef þið viljið gera uppskriftina vegan er hægt að nota jurtamjólk og chiaegg í staðinn fyrir venjulegt egg. Til að búa til chiaegg blandið 1 msk af chiafræjum við 3 msk af vatni (samsvarar einu eggi) og látið standa í 10–15 mínútur eða þar til blandan verður gelkennd.
Höfundur
Gott og einfalt
