Grænmetisbaka með hnetu- og fræbotni

Hitið ofninn í 180°C. 

Blandið hörfræjum og vatni saman í litla skál eða glas og látið standa í 5 -10 mínútur.

Setjið valhnetur, sólblómafræ, sesamfræ og smá salt í matvinnsluvél eða hakkara. Blandið þar til allt er fínt mulið. Bætið þá hörfræjunum út í og malið áfram þar til blandan minnir á deig.

Setjið nokkra dropa af olíu í eldhúsþurrku og strjúkið bökuform eða eldfast mót að innan með þurrkunni. Notið um 22 cm kringlótt form ef gerð er grunnuppskrift sem miðast við 4 skammta.

Pressið deigið ofan í formið og jafnt upp á kantana. Passið að botninn verði alls staðar jafn þykkur.

Bakið botninn við 180°C í um 20 mínútur. Þegar botninn er tilbúinn, takið hann úr ofninum og setjið til hliðar.

Afhýðið lauk og hvítlauk og saxið smátt og/eða pressið. 

Skolið tómata og saxið smátt. Þurrkið sveppi með rakri pappírsþurrku, fjarlægið stilka og sneiðið þunnt.

Skolið spínatið og rífið gróft. Ef notað er frosið spínat, látið það þiðna í nokkrar mínútur og pressið svo mestan vökvann úr því.

Hitið restina af olíunni á stórri pönnu. Steikið lauk og hvítlauk við vægan hita í um 7 mínútur eða þar til laukurinn fer að linast. Ef vantar vökva, bætið við smá vatni.

Bætið grænmetiskrafti út í og hrærið vel.

Setjið sveppina út í og steikið þar til þeir verða mjúkir og byrja að brúnast. Bætið við smá vatni ef vantar vökva.

Setjið saxaða tómata og spínat út á pönnuna.

Látið vatnið renna af tófúinu og þerrið það létt með viskustykki ef þarf. Brjótið egg yfir skál og skiljið að – látið eggjahvítuna renna í skálina og geymið eggjarauðuna til hliðar. Rífið ostinn gróft með rifjárni.

Setjið tófú, eggjahvítur, helminginn af rifna ostinum, túrmerik, kryddblöndu, chillíduft, smá salt og pipar í matvinnsluvél. Blandið í 3–5 sekúndur þar til hráefnin eru gróflega maukuð.

Raðið steiktu grænmetisblöndunni í botninn á mótinu. Hellið tofublöndunni yfir grænmetið. Ýtið varlega með gaffli svo blandan smjúgi vel niður í öll göt og bakan verði þéttari. Dreyfið rifna ostinum yfir að lokum.

Bakið við 180°C í 20-25 mínútur eða þangað til osturinn er bráðinn og bakan heit í gegn. Látið bökuna síðan kólna aðeins áður en hún er skorin.