Fljótleg, einföld og trefjarík eggjakaka með höfrum, túrmeriki og fersku grænmeti. Hentar vel í morgunmat eða sem léttur kvöldverður.
Brjótið eggin í skál og hrærið vel saman með gaffli.
Hreinsið sveppina með þurrum klút eða eldhúspappír. Skerið þá í tvennt eða í sneiðar, fer eftir stærð. Rífið ost með rifjárni og leggið til hliðar.
Bætið rifnum osti, höfrum, chiafræjum, kryddblöndu, túrmeriki, pipar og salti saman við eggjahræruna í skálinni og hrærið þar til allt er vel blandað.
Hitið olíu á stórri pönnu við miðlungshita. Steikið sveppina á pönnunni þar til gylltir á lit og leggið svo til hliðar á disk.
Stillið pönnuna á miðlungsháan hita. Hellið eggjablöndunni á pönnuna og steikið eggjakökuna í 2–4 mínútur á hvorri hlið, eða þar til hún er elduð í gegn og fallega gyllt.
Skolið kirsuberjatómata og skerið í tvennt. Skolið spínatið og látið vatnið renna vel af.
Færið eggjakökuna yfir á disk og toppið með sveppum, kirsuberjatómötum og spínati.
Til að auka próteinmagn má nota heil egg í bland við eggjahvítur.
Höfundur
Gott og einfalt
