Þrjár tegundir af snittum sem henta vel á áramótaborðið sem forréttir. Hægt að gera einn, tvo eða alla. Einfaldir og bragðgóðir.
Þíðið rækjurnar. Setjið þær í sigti og látið vatnið renna vel af. Þerrið þær létt með eldhúspappír.
Skrælið piparrótina og rífið niður með rifjárni. Setjið hana í skál ásamt majónesi, pipar og rækjum. Hrærið vel með skeið.
Skolið salatblöð og þerrið.
Setjið rækjufyllingu á hvert salatblað með skeið. Toppið með smá kavíar, ef vill.
Skolið graslaukinn, fínsaxið hann og stráið yfir rækurnar. Berið fram á fallegum disk eða bakka.
Hitið ofn í 225°C. Setjið bökunarpappír á ofnplötu.
Rífið parmesan fínt með rifjárni.
Setjið tortilla-brauð á ofnplötuna með bökunarpappírnum. Smyrjið pestói síðan á vefjurnar og stráið parmesan og furuhnetum yfir. Bakið í miðjum ofni í um 6 mínútur eða þar til stökkt. Látið hvíla í 5 mínútur og skerið síðan í þríhyrnda bita með beittum hníf.
Skolið klettasalat og þerrið með eldhúspappír. Setjið klettasalatið yfir snitturnar áður en þær eru bornar fram.
Hellið vökvanum af ólífunum. Setjið þær í sigti og látið standa í nokkrar mínútur.
Hitið olíu á pönnu á meðalhita. Bætið ólífum og chillí út á pönnuna og steikið í um 3 mínútur, hrærið reglulega.
Takið utan af hvítlauknum og saxið hann. Setjið hann á pönnuna með ólífunum og steikið í um 1 mínútu. Passið að hvítlaukurinn brúnist létt en brenni ekki.
Skolið appelsínuna og rífið aðeins ysta börkinn fínt með rifjárni. Setjið börkinn á pönnuna og hrærið vel.
Berið ólífurnar fram volgar í fallegrir skál.
Prófið að leika ykkur með réttina til dæmis með því að bæta sítrónuberki í rækjusalatið og skipta hluta af majónesi út fyrir gríska jógúrt með örlitlu dijon-sinnepi. Smá papríka eða kirsuberjatómatar, ásamt sítrónuberki eða chillíflögum ofan á, gera snitturnar einnig litríkari og ferskari. Ferskar kryddjurtir geta síðan lyft bragðinu enn frekar.
Höfundur
Hjärt-Lungfonden